I vetmi spital që ka mbetur në qendër të Gazës është në prag të mbylljes mes luftimeve intensive që kanë përfshirë zonën, tha një zëdhënëse e OKB-së.
Grupet e ndihmës janë detyruar të tërhiqen nga spitali Al-Aqsa në Deir al-Balah ditët e fundit, duke përhapur panik në mesin e njerëzve të strehuar atje.
Ushtria izraelite ka lëshuar fletëpalosje që caktojnë zonat përreth spitalit si një “zonë të kuqe”, tha Komiteti Ndërkombëtar i Shpëtimit (IRC), raporton The Guardian.
“Al-Aqsa është spitali i vetëm i mbetur në zonën e mesme të Gazës, ku një ofensivë e madhe është duke u zhvilluar”, tha për BBC-në, Gemma Connell, një zëdhënëse e zyrës së OKB-së për koordinimin e çështjeve humanitare (OCHA).
“Situata në spital është e rëndë. Kemi vetëm një mjek të vetëm që punon në urgjencë. Ju kanë mbetur vetëm dy kirurgë që u përgjigjen qindra nevojave në atë spital. Ju keni kaq shumë viktima që vijnë në çdo orë, të cilët kanë nevojë të dëshpëruar për mbështetje për shpëtimin e jetës”, u shpreh ajo.
Stafi i Organizatës Botërore të Shëndetësisë (OBSH) që vizitoi institucionin mjekësor të dielën pa “skena të dhimbshme të njerëzve të të gjitha moshave që trajtoheshin në dysheme me vija gjaku dhe në korridore kaotike”, tha në një deklaratë shefi i OBSH-së, Tedros Adhanom Ghebreyesus.
