Zëvendëskryeministri dhe ministri i Jashtëm, Antonio Tajani ka thënë se të tre italo-izraelitët që u zhdukën pas sulmit të Hamasit ndaj Izraelit, më 7 tetor janë të vdekur.
Tajani tha të hënën se Liliach Le Havron, 66 vjeç, u konfirmua se kishte vdekur pasi Hamasi sulmoi vendin ku ajo jetonte me burrin e saj.
Bashkëshorti i saj, Evitar Kipnis, 65 vjeç, tashmë ishte konfirmuar si ndër viktimat.
Më vonë të hënën, Tajani tha se Nir Forti, një i ri, familja e të cilit tha se ai u qëllua në gjoks para se të zhdukej pas një ndeje të madhe pranë kufirit të Gazës, ishte gjithashtu i vdekur.
“Fatkeqësisht Nir Forti gjithashtu ka vdekur”, shkroi Tajani në X.
“Ai ishte i fundit nga tre italo-izraelitët e zhdukur. E ndjej dhimbjen e prindërve të tij. I takova gjatë një vizite në Tel Aviv. Të vdesësh në moshën 29-vjeçare, i vrarë barbarisht nga terroristët, është thellësisht e padrejtë. Unë lutem për ty, Nir".
Fillimisht mendohej se tre italo-izraelitë ishin ndër pengjet që mbaheshin nga Hamasi.
