Trump del kundër “Harley Davidson”: Nëse ikën nga SHBA, ta bojkotojmë! - Bota Sot
Trump del kundër “Harley Davidson”: Nëse ikën nga SHBA, ta bojkotojmë!

Amerika

E enjte, 20 shtator 2018

Trump del kundër “Harley Davidson”: Nëse ikën nga SHBA, ta bojkotojmë!

Më: 13 gusht 2018 Në ora: 14:10
Drejtuesit e kompanisë thanë në fund të qershorit se, mendojnë të transferojnë në Europë një pjesë të prodhimit të destinuar për atë treg.

“Shumë pronarë të Harley Davidson synojnë të bojkotojnë kompaninë, nëse prodhimi i saj zhvendoset jashtë Amerikës. Shumë mirë!”.

Kështu shkruan në “Twitter” presidenti amerikan Donald Trump, mbi zgjedhjen e kompanisë amerikane për të zhvendosur jashtë Shteteve të Bashkuara prodhimin e motorëve, në përgjigje të tarifave të reja doganore të vendosura nga Brukseli mbi disa produkte që mbajnë markën “Made in USA”.

“Pjesa më e madhe e kompanive të tjera po ecin në një drejtim me ne, përfshirë edhe rivalë të Harleyt”, shton Trump, duke shpjeguar se zgjedhja e “Harley Davidson” për të nxjerrë prodhimin jashtë vendit është një lëvizje e gabuar.

Drejtuesit e kompanisë thanë në fund të qershorit se, mendojnë të transferojnë në Europë një pjesë të prodhimit të destinuar për atë treg. Vendimi është marrë për të evituar rritjen e taksave, nga 6 në 41 për qind, për motorët “Harley Davidson”, që sipas kompanisë do të reflektohej në rritje të kostos së prodhimit.

Masat e BE-së pasuan ato të administratës “Trump” mbi çelikun dhe aluminin e importuar. “Harley Davidson” nuk ka reaguar pas postimit të fundit në “Twitter” të presidentit Trump, i cili e bëri këtë pas një takimi me motoçiklistë në klubin e tij të golfit në Bedminster të Nju Xhersit, gjatë fundjavës.

Trump shtrëngoi duart me ta, pozoi për foto dhe mbajti edhe një fjalim të ashpër, ndërkohë që u prit me brohoritjet e turmës.

Image
Image
Image
Komentet
comments powered by Disqus
Sot mund të lexoni Shfletoni kopertinat
Sondazh
test