Një burrë qëlloi dhe vrau tre vajzat e tij, shoqen e tyre dhe veten gjatë një vizite të mbikëqyrur me vajzat të hënën në një kishë në Sacramento, Kaliforni, thanë autoritetet, raporton AP news transmeton “Bota sot”.
Pas raportimeve për të shtëna me armë rreth orës 17:00, u gjetën pesë persona të vdekur, duke përfshirë edhe sulmuesin, në kishën në lagjen Arden-Arcade, tha Sgt. Rod Grassmann, thuhet në njoftimin e Zyrës së Sherifit të Qarkut Sacramento.
Viktimat përfshinin tre vajza të moshës 9, 10 dhe 13 vjeç, tha Grassmann.
Sulmuesi ishte larguar nga nëna e vajzave të tij, e cila kishte një urdhër mbrojtje ndaj tij, tha Sherifi Scott Jones.
Hetuesit besojnë se të shtënat kanë ndodhur gjatë një vizite të mbikëqyrur me fëmijët dhe se viktima e katërt ishte shoqja e tyre, tha Jones.
Emri i sulmuesit nuk u bë i ditur menjëherë, por zyrtarët thanë se ai ishte 39 vjeç.
Një punonjës i Kishës në Sacramento dëgjoi të shtënat dhe thirri 911, tha Grassmann.
Zyrtarët e Sherifit po e hetojnë këtë si një incident të dhunës në familje, tha ai.
Zyrtarët nuk e dinin nëse anëtarët e familjes i përkisnin kishës, e cila ndodhet në një bllok kryesisht banimi pranë një zone tregtare në lindje të qendrës së qytetit Sacramento.
Kisha në Sacramento u shërben besimtarëve anglezë, kinezë dhe spanjollë, sipas faqes së saj të internetit. Asnjë ngjarje për të hënën nuk u rendit në kalendarin e saj në internet.
Guvernatori Gavin Newsom tha se zyra e tij po punonte me forcat lokale të zbatimit të ligjit.
“Një tjetër akt i pakuptimtë i dhunës me armë në Amerikë – këtë herë në oborrin tonë. Në një kishë me fëmijë brenda. Absolutisht shkatërruese",tha Newsom në Twitter.
