Dy burra u vranë dhe një grua u plagos në një restorant me prodhime deti në qendër të Houstonit.
Policia thotë se ata dyshojnë për vrasje dhe vetëvrasje, shkruan ap.
Asistenti i Shefit Ekzekutiv të Policisë së Houstonit, Matt Slinkard, tha se pamjet e kamerave të sigurisë treguan burrin dhe gruan duke darkuar në restorant Aquarium, kur një burrë nga skaji tjetër i lokalit u shfaq i armatosur dhe qëlloi të dy dhe më pas veten.
Gruaja u transferua në spital dhe nuk rrezikon të vdesë ndërsa dy burrat e tjerë janë dërguar në morgun e qytetit për obduksion.
Ndryshe, nuk dihet ende nëse dhe në çfarë marrëdhënieje janë këta tre persona.
