Nënkryetari i Partisë Demokratike të Kosovës, Rexhep Hoti në një postim të tij në Facebook ka shprehur ngushëllime për vdekjen e legjendës së futbollit, Fadil Vokrri.
Hoti thotë se Vokrri ‘ishte edhe burrështetasi i parë që e bëri të njohur shtetin tonë në gjirin e të gjitha shteteve të botës’.
Postimi i plotë:
Me dhimbje të thellë mora lajmin për vdekjen e Legjendës së futbollit, Fadil Vokrri.
Ai ishte fytyra më e ndritshme e futbollit në kohët më të vështira për Kosovën.
Ai i dha shumë futbollit dhe shtetit me punën e vet si futbollist dhe si strateg.
E përmbylli internacionalizimin e sportit të Republikës së Kosovës në institucionet më të rëndësishme botërore.
Në të vërtetë, në këtë drejtim ishte edhe burrështetasi i parë që e bëri të njohur shtetin tonë në gjirin e të gjitha shteteve të botës.
Do t’i jemi mirënjohës dhe do të përulemi gjithmonë para Legjendës sonë të futbollit.
Ngushëllime të sinqerta familjes, miqve dhe të gjithë simpatizantëve të futbollit. rhoti
