Pas seancës së sotme në Kuvend, deputeti i Lëvizjes Vetëvendosje Rexhep Selimi ka thënë se është mjaft, pasi Kosova meriton më shumë se PAN-i dhe numrat e tyre, përcjell Bota sot.
Përmes një postimi në llogarinë e tij në Facebook, ai ka thënë se PDK-ja po sillet me papërgjegjësi dhe se sot sipas tij, është dashur që edhe AAK e Nisma ta kuptojnë se ku janë futur, nëse këtë nuk e kanë ditur deri më tani.
Postimi i tij i plotë:
Mjaftë më!
"ENOUGH IS ENOUGH!"
PDK-ja e PAN-it, ashtu siç ishte dikur e papërgjegjshme në pushtet, edhe sot si humbëse e zgjedhjeve po sillet me papërgjegjësi.
Sjellja e PDK-së sot ne Kuvend dëshmon edhe njëherë nevojen që kishte Kosova për ndryshimin e domosdoshem, e që ndodhi më 11 Qershor, ndyshim të cilin Klani PRONTO po mundohet ta zhbëjë. Paramendojeni sikur të ishin këta elementë ende në qeverisjen e vendit!
Sot edhe AN-i (AAK e NISMA) besoj se duhet ta kenë kuptuar se ku jane futur, nëse këtë nuk e kanë ditur më heret dhe nëse këtë nuk e kanë bërë me qëllimin e vetëm për "copë" pushtet.
Kosova meriton më mirë e më shumë sesa PAN-i dhe "numrat"e tyre.
Qytetarët e Kosovës, as nuk e meritojnë e as nuk e durojnë ta riciklojne PRONTO-n serish ne pushtet. Këtë duhet ta dijnë edhe AN-i, nëse duan të dallojnë nga ta.
Vetë fakti së PDK-ja nuk po mund të flejë e qetë në opozitë është dëshmi së ata nuk e kishin dhe nuk e kanë vendin në Qeveri.
Qytetarët e Kosovës e kanë thënë fjalën e tyre më 11 Qërshor, duke e votuar Lëvizjen VETËVENDOSJE dhe kandidatin e saj për Kryeministër.
Subjekti fitues dhe kandidati më i votuar duhet ta udhëheqin Kosovën drejtë zhvillimit.
Kështu tha sovrani!/BS/
