Ish-ministri i Jashtëm Edmond Panariti, i ftuar në një program televiziv ka komentuar vendosjen e Asociacionit si kusht për Kosovën për anëtarësimin në Këshillin e Europës.
Ai u shpreh se Kurti është konsistent dhe stoik në qëndrimin e tij, ndërsa theksoi se anëtarësimi në KiE nuk duhet të ketë parakusht asociacionin.
Sipas tij është i gabuar qëndrimi i Shqipërisë si palë në çështjet për avancimin e dialogut Prishtinë Beorgad pasi Tirana zyrtare ka vetëm një rrugë, të evitojë kontaktet direkte me Beogradin dhe të mbështesë pa kushte qeverinë e Albin Kurtit
“Kurti është shumë konsistent dhe stoik në qëndrimin e tij. Anëtarësimi në KiE nuk duhet të ketë parakusht asociacionin. Kjo duhet të jetë pjesë e planit franko-gjerman. Spostimi i kësaj çështje dhe futja si parakusht për anëtarësimin e Kosovës në KiE është devijim nga plani dhe marrëveshja e Prespës . Në këtë mes mbështes Kurtin dhe mbetet për t’u parë çfarë do ndodhë në vijim. Dëshiroj të theksoj se është i gabuar qëndrimi i Shqipërisë si palë në çështjet për avancimin e dialogut Prishtinë-Beograd. Shqipëria ka vetëm një rrugë, të evitojë kontaktet direkte me Beogradin dhe të mbështesë pa kushte qeverinë e Albin Kurtit, si e zgjedhura nga populli”, tha ai.
