Asociacioni i Gazetarëve të Kosovës i ka pranuar donacion 70 xhaketa dhe jeleka me mbishkrimin “Press”, nga partneri i ngushtë i saj, Misioni i OSBE-së në Kosovë.
Siç thuhet në njoftimin e bërë nga AGK, donacionet u ndanë nga Drejtorja e Departamentit të Demokratizimit, Pascale Roussy.
“Donacionet u ndanë nga Drejtorja e Departamentit të Demokratizimit, Pascale Roussy – e cila theksoi rolin krucial që gazetarët dhe kameramanët e kanë në demokraci, duke raportuar nga terrene të rrezikshme e duke i mbajtur përgjegjës personat në pushtet”, thuhet në komunikatë.
Shpërndarja e këtyre donacioneve tek gazetarët do të bëhet gjatë javëve në vijim nga AGK.
