Zëvendëskryeministri Besnik Bislimi, ka takuar ambasadoren e Kroacisë në Kosovë, Danijela Barisic, me të cilën ka diskutuar për bashkëpunim mes dy shteteve si dhe për intensifikimin e marrëdhënieve dy paleshe.
Në njoftim për media thuhet se Bislimi e Danijela Barisic kanë folur edhe aktivitetet e shkëmbimet kulturore dhe organizime të përbashkëta, si dhe për plane e projekte në këtë drejtim.
Zëvendëskryeministri Bislimi e falënderoi ambasadoren për bisedën dhe bashkëpunimin e frytshëm e të vazhdueshëm.
Ambasadorja shoqërohej dhe nga zëvendës ambasadori Nedjeljko Spilek.
