Në ceremoninë për shënimin e 16-vjetorit të Pavarësisë, Ambasada e Republikës së Kosovës në Gjermani ka pasur një mysafir të veçantë.
Për të nderuar festen e organizuar për nder të 17 Shkurtit, prezent ka qenë edhe ministri gjerman i Bujqësisë dhe Ushqimit, Cem Ozdemir.
Madje, ai ka mbajtur edhe një fjalim në këtë ceremoni, ku në gjuhen shqipe ka uruar Kosovën për ditën historike.
“Rroftë Pavarësia e Kosovës”, ka thënë ai në fund të adresimit të tij.
Videon e urimit të zyrtarit gjerman në profilin e tij në “Facebook” e ka postuar ambasadori i Kosovës në Gjermani, Faruk Ajeti.
Ai ka vlerësuar se Kosova është e bekuar me miqësinë tradicionale dhe historike me shtetin dhe popullin gjerman.
