Anëtari i Kryesisë së Nismës Socialdemokrate, Zafir Berisha, Qeverinë Kurti e ka quajtur regjim në ikje.
Ai ka thënë se kjo qeveri po shfrytëzon të pafytyrët dhe pa kurrizoret për qëllime të veta.
Në profilin e tij në “Facebook”, Berisha ka përdorur gjuhë të ulët ndaj shërbyesve të Qeverisë Kurti, duke i quajtur qen të tërbuar.
“Kriza morale në shoqërinë tonë që po arrijnë kulminacionin, është rezultat i një “investimi” që regjimi aktual po e bën duke vlerësuar të pafytyrët si e arritur profesionale dhe akademike. Servili mbetet servilë kudo që pozicionohet! Sitemet totalitare zakonishtë i kanë shfrytëzuar të pafytyrët dhe pakurrizorët si “salveta” një përdorimshe për kohë të caktuar dhe pastaj i kanë hudhur në koshin e plehrave”. Tendencë e disa trushpërlarëve për t’i shërbyer regjimit në ikje, si qeni i tërbuar për të lëpirë ndonjë kockë të mbetur, është racë e njohur për ne qê nga koha e jugosllavëve dhe Jugosllavisë. Shkatërrimi i të arriturave mbi 20 vjeçare në këtë vend, dhe zëvendësimi i vlerave me antivlera për llogari të politikës ditore, do t’i vije fundi së shpejti…”, ka shkruar Berisha.
