Departamenti Amerikan i Shtetit miratoi pak ditë më parë shitjen e raketave Javelin për Kosovën në vlerë 75 milionë dollarë, njoftoi Agjencia për Bashkëpunim për Sigurinë e Pentagonit.
Ndërkohë, Ministria e Mbrojtjes e Kosovës bëri të ditur se ka bërë kërkesë për blerjen edhe të armëve të tjera, përveç 246 raketave kundërtanke të tipit Javelin që janë kërkuar të blihen nga SHBA-ja.
Ish-komandanti i Forcave Detare Artur Meçollari tha në një intervistë për Euronews Albania se blerja e armatimit nga ana e Kosovës tregon se FSK po përgatitet të mbrojë e vetme territorin.
“Është interesi i ndërkombëtarëve të krijojnë një Kosovë jo vetëm të qëndrueshme, por edhe stabël nga ana ushtarake. NATO nuk do jetë aty përgjithmonë, do kemi një rezolutë tjetër përveç 1244, që do të jetë me shumë mundësi pavarësia e Kosovës dhe anëtarësimi në OKB dhe FSK do jetë garante e integritetit territorial.
Sot Kosova nuk është e kërcënuar në integritetin territorial për shkak të pranisë së KFOR. Edhe komuniteti serb në veri e ka kuptuar se e vetmja mundësi është ushtrimi i autoritetit të shtetit të Kosovës”, tha ai.
