Me ftesë të Presidentit të Këshillit Evropian, Charles Michel, presidentja Vjosa Osmani, sot në Bruksel, do ta përfaqësojë Republikën e Kosovës në Samitin e liderëve të Bashkimit Evropian dhe Ballkanit Perëndimor.
Osmani ka shkruar se mesazhi i saj kryesor, do të jetë Kosova është e gatshme për statusin kandidat dhe për t’iu afruar BE-së.
Në kuadër të samitit, presidentja Osmani po ashtu do t’i informojë krerët e shteteve dhe të BE-së lidhur me situatën e sigurisë në vend, pas sulmit të agresionit të Serbisë më 24 shtator.
“Gjithashtu do t’i informoj kolegët liderë për zhvillimet e sigurisë pas aktit të agresionit të Serbisë”, tha ajo.
Samiti do të drejtohet nga Presidenti i Këshillit Evropian, Charles Michel.
Në njoftimin e BE-së, thuhet se ky samit është një mundësi për të rikonfirmuar rëndësinë kryesore të partneritetit strategjik ndërmjet BE-së dhe Ballkanit Perëndimor.
Samiti është gjithashtu një mundësi për të riafirmuar perspektivën e anëtarësimit të Perëndimit në BE
Ballkani si dhe nevoja për arritje të qëndrueshme dhe të pakthyeshme të reformave të partnerëve, të mbështetura nga vlerat dhe parimet e BE-së, potencohet në njoftim.
Liderë të BE-së dhe Ballkanit Perëndimor në Bruksel ndër të tjera do të diskutojnë për procesin e zgjerimit dhe perspektivën evropiane të vendeve të Ballkanit Perëndimor, bashkërendimin me politikën e përbashkët të jashtme dhe të sigurisë të BE-së, si dhe tejkalimin e sfidave të përbashkëta.
Këto do të jenë temat kryesore:
Afrimi i partnerëve të Ballkanit Perëndimor me BE-në dhe avancimi i integrimit gradual
Ndërtimi i themeleve ekonomike për të ardhmen dhe zbutjen e ndikimit të agresionit rus kundër Ukrainës
Intensifikimin e angazhimit politik dhe atë të politikave
Përforcimi i sigurisë
Një konferencë e përbashkët për shtyp do të mbahet nga Presidenti i Këshillit Evropian, Charles Michel, dhe Presidentja e Komisionit Evropian, Ursula von der Leyen, në fund të takimit.
Udhëheqësit pritet të lëshojnë gjithashtu një deklaratë.
Në orën 15:30 do të nisin të mblidhen liderët, dhe në ora 17:00 pritet të fillojë seanca e punës. Po ashtu është paraparë një foto familjare në 18:15 dhe një darkë pune në 18:30. Në fund është paralajmëruar një konferencë për shtyp në 20:45.
