Deputeti i LDK-së, Driton Selmanaj ka folur për ikjen e të rinjëve nga vendi që njëherët edhe po trajtohet si shqetësim i madh.
Sipas tij shoqëria kosovare ka dështuar për ta ngallur shpesën e të rinjëve për të jetuar në Kosovë.
Ai ka thënë se situata është alarmante dhe duhet të trajtohet me shumë prioritet.
“Fatkësisht situata është alarmuese. Në njërën nga seanca i kam bërë thirrje qeverisë se çështja e ikjes masive që po ndodh viteve të fundit dhe tash për fatin e keq lajmet janë se pas 1 janarit do të ketë ikje. Kam thënë se duhet ta trajtojmë si urgjencë kombëtare. E merrnim me sportivitetet këtë punë, lëvizin njerëzit. Është normale për vendet e tjera, për vendet që kanë mirëqenie, por tek ne një vend që akoma nuk e kemi të konsoliduar shtetin dhe jemi mburrur se e vetmja forcë është rinia, dhe ajo po na ikë atëherë kah po shkojmë”.
Selmanaj tutje tha se politika e ka gjithë fajin për ikjen e të rinjëve dhe mos krijimin e kushteve që ata të qëndrojnë në Kosovë.
“Humbja e shpresës është proces dhe një pjesë të madhe të fajit e ka politika dhe asnjëherë nuk dua ta amnistojë askënd. Por kjo nuk ndalet vetëm te politika, tek të gjitha sferat që nuk e kemi pasur kujdesin e duhur, për atdhedashurinë, sistemin, arsimor, shëndetësor e kulturor. Kemi dështuar pë të ngjallur shpresën e jetës në këtë vend, kemi dështuar për të iu ofruar të rinjëve projektim të së ardhmes së tyre në këtë vend”, tha Selamnaj.
