Familja Ademaj hap të pame, përgatitet për rivarrosjen e Liridonës

Aktuale

Familja Ademaj hap të pame, përgatitet për rivarrosjen e Liridonës

Më: 4 dhjetor 2023 Në ora: 13:43
Foto ilustrim

Familjarët e Liridona Ademaj, kanë hapur të pame në fshatin Rracaj ku pritet të rivarroset, 30-vjeçarja e vrarë javën e kaluar në Prishtinë.

Ajo është zhvarrosur nga varrezat e fshatit Cërmjan të Gjakovës, ku ishte varrosur fillimisht.

Me kërkesë të familjarëve, rivarrimi do të bëhet në fshatin e saj të lindjes. Familjarët kanë bërë të ditur se rivarrimi do të bëhet nga ora 14:00.

Gjykata Themelore e Prishtinës, ua ka caktuar nga 30 ditë paraburgim, Naim Murselit, Granit Plavës, dhe Kreshnik Kokallës, të dyshuar për vrasjen e Liridona Ademajt.

I dyshuari kryesor, Naim Murseli, ka organizuar vrasjen e gruas së tij duke paguar 30 mijë euro për kryerjen e këtij akti makabër.

Liridona Ademaj, u vra në Bërrnicë të Prishtinës, më 29 nëntor.

commentFirst article
Sot mund të lexoni Shfletoni kopertinat