Debat interesant është zhvilluar në Speciale në gjyqin kundër krerëve të Ushtrisë Çlirimtare të Kosovës.
Aty po dëshmon reporteri i Tanjugut, Nebojsha Radosheviq që pretendon të jetë arrestuar në Kosovë gjatë kohës së luftës nga Ushtria Çlirimtare e Kosovës.
Avokati i Thaçit, Gregory Keohhe gjatë marrjes në pyetje, u çudit me disa nga detajet që nxori nga dëshmitari në fjalë.
I njëjti, nuk kishte kryer fakultetin e gazetarisë. Madje as nuk kishte studiuar për të. Kishte studiuar për histori e bujqësi dhe nuk kishte përfunduar studimet. I ishte bashkuar ushtrisë në vitin 1986 për të kryer shërbimin.
Kjo e çuditi avokatin Keohe i cili vuri në dukje dhe në pah faktin se Tanjug ka qenë agjenci shtetërore e lajmeve, që i bie se Qeveria e Slobodan Millosheviqit kishte ndikim direkt aty.
Madje si udhëheqës i Tanjug, Keohe ka cituar se ishte përzgjedhur një përkrahës i Millosheviqit.
Tutje, avokati është shprehur i çuditur se si Agjencia Shtetërore e lajmeve serbe, punëson në person që nuk ka përvojë e madje as nuk ka studiuar për gazetari për të shkruajtur për ngjarje nga lufta.
Nebojsha Radosheviç, në rastin e ish krerëve të Ushtrisë Çlirimtare të Kosovës, gjatë dëshmisë së tij ai fillimisht ka theksuar se është malazez, por ka nënshtetësi serbe.
Gjatë prezantimit të tij nga trupi gjykues u tha se ai ka qenë gazetar i Tanjugut që në fillimet e vitit 1996, teksa në vitin 1998 ai ishte ndaluar së bashku me kameramanin në një pikë të kontrollit nga Ushtria Çlirimtare e Kosovës.
“Me 18 tetor të vitit 1998, kur ai po udhëtonte me një automjet me një fotograf të Tanjugut, i quajtur Vladimir Dobrojçiq dhe u ndaluan në një pikë kontrolli të UÇK-së janë mbajtur të ndaluar në katër vende për një periudhe kohore 41 ditore përfshirë edhe një vend në Slledarë dhe gjatë kësaj një anëtar të UCK-së i ka vendosur një armë në gojë dhe i ka thënë të identifikohet me logon e UÇK-së”.
Radesoviç dhe Dobrojçiç, janë dënuar sepse u tha se kanë udhëtuar në territorin e UÇK-së pa leje dhe pa një identifikim që ishin anëtarë të shtypit në automjetin e tyre dhe u dënuan me 60 ditë burgim, të njëjtit ishin liruar më 27 nëntor 1998 dhe u thanë që ishte bërë amnisti me rastin e Ditës së Flamurit.
Dëshmia e Radosheviç pritet të zgjasë rreth 9 orë.
Gazetari dhe kameramani i Tanjug-ut, ishin liruar për festen e flamurit kombëtar më 1998.
Ndalimi i tij ishte temë diskutimi edhe në seancat ku dëshmoi hulumtuesi i Human Right Whatch, Fredrick Abrahams.
Një pjesë e intervistimit të Nebojsha Radosheviq.
Avokati: A keni dijeni lidhur me ndonjë gjë tjetër përveç aspekteve politike që e kanë marrë në pyetje zotërin Dobrojçiq?
Radesoviç: Unë i kam treguar se çfarë më kishin pyetur mua dhe më pas çfarë ata e kishin pyetur atë. E po ashtu e kishin pyetur edhe lidhur me fotografitë që kishte marrë duke e pyetur se si ka mundësi që ai ka fotografi të Sllobodan Millosheviç-it, një fotografi të tij me Millosheviç. Por, ai kishte edhe një fotografi të tij me zotëri Ibrahim Rugova”.
Avokati: A keni pyetur ju nëse do të mbahet një gjykim?
Radesoviç: U informuam ditën e pesë apo të gjashtën. Folëm për gjysmë orë për cështje politike, ne kemi bërë një pyetje të ngjashme se kur do të fillonte ky gjyq a do të ishim të pranishëm dhe më thanë se gjyqi do të ishte i drejtë dhe s’do të kishte asnjë lloj shqetësimi dhe kaq di lidhur me gjykimin. Deri në momentin kur u tha se vendimi ishte se ishim dënuar me 60 ditë burg.
Avokati: A keni kërkuar ndonjëherë të bisedoni me ndonjë avokat ose rreth mundësive që janë për të biseduar me një avokat?
Radesoviç: Jo s’kemi kërkuar. Neve s’na janë dukur personat kompetente për t’u kërkuar për të caktuar ndonjë avokat pasi na thanë se do të na lironin shpejtë ne menduam që do të na lironin në darkë, pasi që nuk na liruan ne filluam një grevë urie.
Avokati: A e keni diskutuar me njëri me tjetrin se çfarë u kishte ndodhur juve kur ishit mbajtur të ndaluar veçmas gjatë asaj periudhe?
Radesoviç: Po, patjetër.
Avokati: A e pyetet zotëri Dobrojçiq, nëse e kishte marrë në pyetje UÇK?
Radesoviç: Po patjetër që e pyeten sepse kishin shkuar në dhomën e tij dhe fillimisht kishin vizituar atë, pastaj mua.
Avokati: A e pyete se sa herë e kishin marrë në pyetje?
Radesoviç: Ai foli për një rast dëshmia kishte zgjatur 10 minuta. Mua më pyetën për një periudhë gjysmë ore ose 40 minuta kurse atë e kishin marrë në pyetje për një periudhë më të shkurtë.
Ne akuzoheshim për spiunazhe sepse nuk kishim një dokumente që na identifikonte si media.
