Dëshmitari i radhës në rastin e Pjetër Shalës, Bedri Dervishaj, ka thënë se nuk e ka njohur Shalën në kohën e luftës.
Këtë deklarim, Dervishaj e bëri duke u përgjigjur në pyetjet e avokatit Mohamed Hedi Aouini.
Dëshmitari tha se nuk ka takuar as njohur një person me emrin Pjetër Shala gjatë luftës dhe se as në Brigadën 128 nuk ka njohur ndonjë person me atë emër.
I pyetur se a ka dëgjuar gjatë luftës për nofkën “Ujku”, dëshmitari mohoi të ketë dëgjuar për këtë nofkë, por se për të kishte dëgjuar paslufte.
Sipas tij, me nofkën “Ujku” ka qenë një person, i cili ishte me Ramush Haradinajn.
Dëshmitari tha se për Pjetër Shalën ka dëgjuar përmes televizionit.
