Gazetari Daut Dauti është shprehur se politika britanike nuk mund të shkojë në kundërshtim me amerikanët në lidhje me situatën në veri të Kosovës.
Në një intervistë për Euronews Albania, ai theksoi se Britania është në krah të amerikanëve dhe të evropianëve në lidhje me këtë situatë pasi nuk ka ndonjë qëllim madhor për Kosovën ashtu siç kishte më parë.
“Politika britanike nuk mund të shkojë në kundërshtim me amerikanët dhe duhet të jetë deri diku në harmoni me unioniyt evropian. Është një fatkeqësi që Britania e Madhe nuk është në këtë bashkësi të shteteve dhe mundihet që të ndikojë nga jashtë. Britania ka shprehur qëndrimin ndaj Kosovës që nuk ndryshon nga ajo e amerikanëve.
Nuk është Kosova qëllim madhor i Britanisë siç ka qenë më herët. Britanikët kanë kaluar në anën e amerikanëve dhe evropianëve. Ndaj Kurtit është presion i madh, sepse i kërkohet të lëshohet pe. Nuk është shumë e qartë nëse Kurti do mundohet të adaptojë politikën e saj dhe sipas kërkesave brianike, apo do të vazhdojë në qëndrimin e tij të mos lëshoj pe. Të paktën deri më tani nuk e ka bërë me dije në deklaratat që ka bërë deri më tani”- tha ai.
