Ambasadori francez Olivier Guerot ka thënë se kërcënimet ndaj politikanëve janë shqetësuese.
Ai tha se kërcënuesit duhet të hetohen, derisa ka ofruar mbështetjen.
“Shqetësuese janë lajmet për kërcënimet ndaj liderëve politikë. Jam i bindur se do të hetohen. Mbështetje e plotë për Kosovën dhe demokracinë e saj të lulëzuar”, ka shkruar ai në Twitter.
Les informations sur des menaces contre des responsables politiques sont préoccupantes. Confiant que la lumière sera faite. Plein soutien au Kosovo et à sa vitalité démocratique.
— Ambassadeur Olivier Guerot (@Olivier_Guerot) January 20, 2023
Ditë më parë, kryetari i Lidhjes Demokratike të Kosovës, Lumir Abdixhiku dhe tre deputetë të kësaj partie kanë marrë kërcënime.
Këtë e kishte konfirmuar nënkryetari i kësaj partie, Kujtim Shala.
“Mund të konfirmoj se ka pasur një lloj planifikimi në Kosovë dhe disa vende të BE-së dhe jashtë territorit të Evropës. Individët kanë rënë pre e përgjimeve të njërës prej agjencive inteligjente kryesore të një vendi të BE-së. Nga ajo që na është thënë ka pasur një plan të strukturuar për atentat ndaj Abdixhikut dhe tre deputetëve të LDK-së”.
Ai kishte thënë se atentati është planifikuar për arsye politike.
Shala nuk ka dhënë emrat e deputetëve që ishin pjesë e kësaj liste për attentat, që sipas tij, po përgatitej nga dy organizata.
Po ashtu, kërcënime janë bërë edhe në adresë të zyrtarëve të PDK-së.
