Profesori nga Amerika, Binak Maxharraj, ka komentuar deklaratën e kryetarit të Lëvizjes për Bashkim, Valon Murati, i cili ka thënë se Kosova e ka humbur shansin e artë për shkëmbim territoresh me Serbinë.
Sipas Maxharrjat, kjo është ide shekullore e Serbisë dhe edhe sot e kësaj dite Serbia të gjitha përplasjet i bënë për shkak të veriut, sepse siç thotë Vuçiqi “Veriu i Kosovës është interes nacional i Serbisë, është e jona”.
Tutje, ai e ka konsideruar të çuditshme sesi Murati angazhohet për këtë ide të cilën e ka përkrahur PDK.
“Kryetari i Lëvizjes për Bashkim (LB), Valon Murati, konsideron se Kosova e ka humbur shansin e artë për shkëmbim territoresh me Serbinë.
Kjo është ide shekullore e Serbisë. Edhe sot e kësaj dite Serbia të gjitha përplasjet me Kosovën i benë për shkak të Veriut sepse siç thotë Vuçiq "Veriu i Kosovës është interes nacional i Serbisë, është e jona".
Është e çuditshme se si ky njeri angazhohet për shkëmbimin territorial me Serbinë. Këtë ide e kanë përkrahur edhe lidershipi i PDK më herët, por edhe tash ka zëra brenda saj që e përkrahin këtë ide të Dobrica Qisiqit”, ka thënë Maxharraj.
Këtë ai e ka quajtur të tmerrshme dhe skandaloze, pasi që Kosova nuk mund ta humb veriun e saj me pasuri përrallore, gjersa ka shtuar se me këtë ide Murati mund të planifikojë të shkojë në PDK.
“Kjo është e tmerrshme, e aq më tepër skandaloze, sepse Kosova me asnjë çmim nuk guxon ta humbë veriun e saj me pasuri përrallore me vlerë 600 miliardë euro që janë barazi sa dy Serbishkoj në PDK, e sa 10 Shqipëria, e qe Kosovës do t’i mjaftonte t’i shfrytëzojë për gjashtë shekuj. Më këtë përkrahje a mos po planifikon që Valon Murati të shkojë në PDK ku ka idhtar të shumët të idesë së tij”, ka përfunduar Maxharraj.
