Deputeti i Lëvizjes Vetëvendosje, Artan Abrashi, ka thënë se i mirëkuptojnë kërkesat e partnerëve ndërkombëtare për targat.
Por shton se si Qeveri i kanë edhe obligimet e tyre për sovranitetin, duke shtuar se do të bashkëpunojnë për këtë me faktorin ndërkombëtar, sidomos me SHBA’të.
“I mirëkuptojmë kërkesat ndërkombëtare për targat, por edhe ne i kemi obligimet tona si Qeveri”, ka thënë Abrashi duke iu referuar sovranitetit.
Abrashi në emsionin “DPT te Fidani“, ka thënë po ashtu se deklaratat e kundërshtarëve politikë nuk i marrin seriozisht.
“Çfarëdo suksesi që arrin VV-ja ata nuk e pranojnë“, thotë Abrashi.
Po ashtu e ka përmendur edhe raportin e World Justice Project, ku thotë se Kosova e ka vendin e dytë në botë në përmirësimin e sundimit të ligjit për vitin 2022.
Sipas deputetit të VV-së kjo tregon se “Qeveria Kurti është duke e shtrirë shtetin ligjor”.
