Zëvendësministri i Punëve të Brendshme, Bardhyl Dobra, ka mbajtur konferencë për medie lidhur me Projektligjin për Paga dhe atë për Zyrtarët Publikë.
Dobra ka thënë se me këto dy projektligje synojnë rregullimin e Administratës Shtetërore.
“Në vitin 2018 Qeveria e atëhershme e ka miratuar një pako me tre projektligje, dhe pasi është dërguar në Kushtetuese, i njëjti është kthyer mbrapa. Shumë çështje tjera janë ngritur në Raportin e vendit, nga OJQ e ndryshme vendore e ndërkombëtare”.
“Me këto dy projektligje jo vetëm që po mundohemi të gjejmë zgjidhje në problemin e prezantuar nga raporti i progresit. Të dyja këto ligje i kemi nxjerrë ne diskutim publik që të japin komentet e tyre”, tha ai.
“Të dyja llojet e diskutimeve kanë dëshmuar se ka interes që të jenë të mira dhe të rregullohen problemet e administratës. Në fakt ky la qenë qëllimi i kësaj qeverie që të kryhen reformat në administratë publike”, tha tutje Dobra, teksa tha se për Projektligjin për paga i kanë pranuar 80 komente.
Tutje zëvendësministri Dobra u shpreh kritik edhe ndaj vendimeve të ish-kryeministrit Haradinaj, për rritje të pagës së tij.
“Rritje pagash të pa analizuara mirë dhe jo me ligj. Një prokuror në Prokurorinë Themelore e ka pagën më të lartë sesa një mjek. Një vozitës në institucione e ka pagën më të lartë sesa një mjek”.
“Po kalojmë një qindra lloj shtesash në vetëm 10 lloje. Përmes këtyre veprimeve, ne po sjellim transparencë e llogaridhënie”, tha tutje Dobra.
