Këshilli Prokurorial i Kosovës (KPK), ka bërë sot të ditur se Ministria e Drejtësisë ka proceduar në Qeveri Projektligjin për Këshillin Prokurorial të Kosovës pa e marrë opinionin zyrtar të Komisionit të Venecias.
KPK thekson se Komisioni i Venecias në ueb- faqen zyrtare të tij ka njoftuar se më 18-19 mars 2022 do të mbajë seancën për trajtimin e kësaj çështjeje.
“Prandaj, edhe një herë, shprehim shqetësimin tonë se, procedimi me shpejtësi i këtij projektligji, pa e ndarë draftin final me akterët e këtij procesi dhe pa e pritur dokumentin zyrtar nga Komisioni i Venecias, siç ka qenë dakordim në takimin e fundit të Grupit punues të Ministrisë së Drejtësisë.
Ku kanë marrë pjesë edhe përfaqësuesit e sistemit prokurorial, është kundër frymës së bashkëpunimit dhe koordinimit të ndërsjellë dhe përbën tendencë për të cenuar pavarësinë dhe rregullimin e Këshillit Prokurorial të Kosovës”, thuhet në reagim.
