Leotrim Gashi, monitorues në Institutin e Kosovës për Drejtësi, tha se reagimi i sotëm nga ambasada britanike mund të ndikojë në një proces jotransparent për zgjedhjen e kryeprokurorit të shtetit.
“Në bazë të komunikatës që ka lëshuar Këshilli Prokurorial, është thënë se janë njoftuar të gjitha ambasadat me pikat e rendit të ditës së mbledhjes së KPK-së. Ndërsa në reagimin e ambasadës së Britanisë është thënë se ne kemi pritur përgjigje lidhur me mbështetjen që i kemi ofruar procesit të rekrutimit të kryeprokurorit”, tha Gash.
Gashi tha se arsyetimi i Këshillit Prokurorial i bie se nuk e ka respektuar bashkëpunimin e ndërsjellë të një partneri të rëndësishëm për KPK-në, siç është ambasada britanike.
“Pavarësisht për këtë kritikë, ambasada ka kërkuar transparencë dhe të zhvillohet një proces meritor”, u shpreh tutje Gashi.
“Kjo i lë hije të keqe tërë procesit, pasi kryeprokurori i ri, gjatë gjithë mandatit të tij, do ta ketë mbi kokë problemin dhe mënyrën e përzgjedhjes së tij si prokuror, me kritika nga partnerët ndërkombëtarë në vend”.
