Kryetari i PDK-së Memli Krasniqi ka takuar sot kryetarin e Alternativës në Maqedoninë Veriore Afrim Gashi.
Krasniqi me këtë rast ka përgëzuar Gashin për vendimin e kësaj partie që bëhet pjesë e koalicionit qeverisës në Maqedoninë Veriore.
Ai tha njëherësh se ky është vendim i drejtë, në funksion të përmirësimit dhe fuqizimit të pozicionit të shqiptarëve në këtë shtet.
Në takim u diskutua edhe për situatën e përgjithshme politike në Kosovë dhe në Maqedoni Veriore dhe thellimin e bashkëpunimit midis dy partive.
