KQZ konfirmon fitoren: Hamza me mbi 5,900 vota më shumë se Bahtiri në Mitrovicë

Aktuale

KQZ konfirmon fitoren: Hamza me mbi 5,900 vota më shumë se Bahtiri në Mitrovicë

Më: 28 tetor 2021 Në ora: 12:55
Bedri Hamza

Komisioni Qendror i Zgjedhjeve shpalli rezultatet përfundimtare të raundit të parë të Zgjedhjeve Lokale për Kryetarë të 37 Komunave, të cilat u mbajtën më 17 tetor 2021.

Në Mitrovicë u konfirmua fitorja e kandidatit të Partisë Demokratike të Kosovës, Bedri Hamza, në raundin e parë të zgjedhjeve. Ai mori 16 566 vota ose përkthyer në përqindje 53,69%.

Kryetari në largim, Agim Bahtiri, që ishte kandidat i Lëvizjes Vetëvendosje, mori 10 654 vota, ose 34,53%.

Ndërsa kandidati i Lidhjes Demokratike të Kosovës, Armend Agolli, mori 3 636 ose 11,78%.

Në Mitrovicë, numri i votuesve të regjistruar ishte 78 546 qytetarë, këtë të drejtë e kanë shfrytëzuar 30 681 qytetarë. Numri i votuesve të cilët kanë votuar jashtë vendvotimit, si me kusht, VPNV dhe me postë është 1 031.

Pjesëmarrja në votime në Mitrovicë është 40,37%.

Pas shpalljes së rezultateve përfundimtare, në afat brenda 24 orësh, subjektet politike dhe kandidatët mund të paraqesin ankesat e tyre në Panelin Zgjedhor për Ankesa dhe Parashtresa.

commentFirst article
Sot mund të lexoni Shfletoni kopertinat