Shkollës së Mesme Profesionale “Fehmi Lladrovci” në Drenas i ka shkuar në ditën e regjistrimeve vendimi i Ministrisë së Arsimit se nuk lejohen të hapen drejtimet Infermieri e Farmaci.
Muhamet Gjoka, drejtor në Drejtorinë Komunale të Arsimit ka thënë se nuk është dhënë asnjë arsyetim, ani pse shkolla ka staf profesional e aspekt infrastrukturor me kabinete për këto profile.
Për këtë vendim, drejtori i shkollës, Lulzim Nika, thotë se është planifikim i stërvjetëruar, e që nuk përkon me tregun e punës, ku shton se do të detyrohen të marrin staf shtesë për drejtimet që nuk i ka paraparë shkolla.
Tani nga shkolla është duke u respektuar vendimi dhe nuk po pranohen aplikime për këto drejtime, por janë në pritje të ndonjë vendimi tjetër përfundimtar.
