Kryetari i Komunës së Vushtrrisë, Xhafer Tahiri ka bërë homazhe me rastin e 22 vjetorit të masakrës së Vushtrrisë.
Tahiri derisa ka bërë homazhe ka thënë se as pas 20 vjetësh nuk ka drejtësi, dhe se kriminelët ende nuk kanë marrë dënimin e merituar.
“Sot është ditë e dhimbjes së madhe për Vushtrrinë, dhimbja bëhet më e madhe për faktin se as pas 20 vjetësh nuk kemi pas drejtësi, se kriminelët që e kanë bërë këtë nuk e kanë marrë dënimin e merituar. Por, ne nuk do të ndalim duke kërkuar drejtësi”, deklaroi ai.
Tahiri tha do të vazhdojnë të kërkojnë drejtësi, dhe që ky është misioni i tyre, e borxhi që ua kanë martirëve.
“Gjaku i martirëve, dëshmorëve janë themelet e lirisë, ata kurrë nuk do të harrohen”, tha ai.
Tahiri pohoi se të gjitha varrezat do të rregullohen njësoj.
