Deputeti i AAK-së, Bekë Berisha në intervistën e dhënë ka folur edhe rreth kandidaturës së tij për kryetar të Istogut.
Ai ka shtuar se edhe në këto zgjedhje nacionale do të kandidoj për deputet e pastaj do të merret me fushatën e tij për kryetar të Istogut.
“Unë do të kandidoj kësaj radhe për deputet, e kom pas një numër të madh të përkrahësve.Pastaj Do të vazhdoj me fushatën time deri në tetor kur janë zgjedhjet komunale, e kom borxh me kandidu për Istogun për me nxjerr prej asaj vorbulle dhe zymtësie që ka ndodh”, tha Berisha.
Ai shtoi se ka vite që në komunën e Istogut nuk është bërë asgjë.
“Ka vite që aty nuk bëhet asgjë, qytetarët përballen me probleme të njëjta. Do të kandidoj me i fitu zgjedhjet për mi zgjedh këto probleme”, u shpreh Berisha.
