Për deputetin Enkelejd Alibeaj, mandati i Sali Berishës nuk mund të hiqet, pasi nuk plotësohen dy kushte të Kushtetutës.
Në një lidhje direkte për ‘Top Talk’, Alibeaj tha se asnjëherë nuk kanë qenë kushtet e mjaftueshme për t’i ndërprerë mandatin Berishës.
“Ajo që përflitej prej kohësh se do t’i hiqej mandati, për këdo që është një jurist, nëse lexon Kushtetutën, do duhen të plotësohen dy kushte. Një kusht i natyrës objektive, pra mungesa pa ndërprerje prej gjashtë muajsh dhe një i natyrës subjektive, mungesa do duhet të jetë me vullnet.
Në rastin e z.Beriusha asnjëherë nuk kanë qenë kushtet për t’ja ndërprerë mandatin. Ajo se çfarë është e çuditshme ishte thashethemnaja korridoreve sikur PS do t’ja hiqte mandatin. E lexoj si stisje e një kauze për ta viktimizuar z.Berisha.
Loja në vazhdim që Rama dhe Berisha kanë bërë. I vetmi autoritet që mund të merrte një vendim për t’ja hequr mandatin, do të ishte shumica socialiste. Numrat aty i ka vetëm shumica socialiste, kjo thashethemnajë lindi nga PS.
E lexoj si lojë, pse do duhej të kujtonte z.Nikolla që është ngritur një thashethemnajë, ka disa fakte që ka lojë Pazar midis Ramës dhe Berishës”-tha Alibeaj.
