Tash e një kohë zgjedhjet janë temë shumë e diskutuar në vendin tonë.
Opozita kërkimin e zgjedhjeve të parakohshme ka një kohë që e k kërkuar, por e njëjta nuk u aprovua.
Të bindur për fitore, partitë opozitare çdo ditë e më shumë po vazhdojnë fushatat e tyre, si dhe deklarata të shumta.
E së fundmi, kandidati për kryeministër nga radhët e Partisë Demokratike të Kosovës, Bedri Hamza, tha se partia Vetëvendosje nuk e kanë pasur seriozisht shkuarjen në zgjedhje.
Hamza ka thënë se e gatshme për zgjedhje ka qenë veç partia e tij, ndërsa shpreh gatishmërinë për bashkëpunuar me të gjitha partitë në vend, përfshirë edhe Lëvizjen Vetëvendosje.
“Ne kemi qenë të hapur gjithmonë jemi të hapur për bashkëpunim me të gjitha partitë politike, me këto që janë në opozitë dhe me partinë në pushtet, për çështje të caktuara të cilat janë në interes të vendit në interes të Kosovës. I kemi dallimet tona politike, konceptualisht në aspektin programor jem më të afërt më disa parti në opozitë, ndërsa për shkuarjen në zgjedhje del se e vetmja Partia Demokratike e Kosovës e ka pasur seriozisht dhe ka qenë e gatshme. Ne kemi deklaruar që cilado prej mundësive juridike që vjen në shprehje, ne jemi të gatshëm që ta japim kontributin tonë, edhe përmes dorëheqjes së kryeministrit, gjë të cilën nuk është duke e bërë; edhe përmes mocionit të mosbesimit”, ka thënë Hamza.
Hamza i cili aktualisht drejton Mitrovicën e Jugut, është optimist se do të jetë kryeministri i ardhshëm i Kosovës.
Ka thënë se po punojnë fortë për të arritur këtë objektiv.
Por sa afër një posti të tillë është Hamza?
Mehazi: Hamza politikisht nuk është i denjë për ta fituar Kurtin
Në lidhje me këtë temë, në një prononcim për “Bota sot”, ka folur profesori Sulejman Mehazi.
Ai thotë se kjo deklaratë e Hamzës është vetëm dëshirë dhe aspak nuk përkon me realitetin.
Sipas tij, Kurti njëherësh dhe kryeministrit i Kosovës pa konkurrencë do fitonte si para kohe, po ashtu edhe gjatë zgjedhjeve të rregullta parlamentare.
“Para zgjedhjeve parlamentare jo Bedri Hamza i PDK-së, por edhe kandiaatët e partive më të vogla janë optimistë se do fitojnë e do bëhen kryeministër, këto janë vetëm fjalë dëshirash të, Bedri Hamzës, për t'u bërë kryeminstër, mirëpo realiteti në terren, brenda qytetarëve të Kosovës është kundër dëshirave të zotëri Bedri Hamzës pasi kryetari i LVV-së, Abin Kurti njëherësh dhe kryeministrit i Kosovës pa konkurrencë do fitonte si para kohe, po ashtu edhe gjatë zgjedhjeve të rregullta parlamentare. Bedri Hamza politikisht nuk është i denjë për ta fituar Kurtin i cili jo që me principet e tij politike ka shkatërruar korrupsionin e pamëshirshēm në veri, por ka sunduar kushtetutën dhe ligjet e Kosovës në komunat me shumicë serbe në veri të vendit”, u shpreh ai.
Më tej, profesori thekson që ëndërrat dhe dëshirat e Bedri Hamzës për t'u bërë kryeminstër ndryshojnë nga votuesit që do votojnë, Albin Kurtin.
“Zotëri Bedri Hamza duhet të jetë më i arsyeshëm s'e është kanditat e një partie e cila gjatë qeverisjes njëzetvjeçare jo vetëm që ka zhvatur shtetin, por ka rrezikuar dhe sovranitetit e Kosovës në veri me Listën serbe në krye me kryeterroristin Radoiçiqin. Jo vetëm Bedri Hamza, por dhe Molliqaj sikur të dilte kandidat nga partia e tij jo parlamentare do thoshte, "s'e do ta mund Kurtin e do bëhej kryeministër i ardhshëm i Kosovës", ëndërrat dhe dëshirat e Bedri Hamzës për t'u bërë kryeminstër ndryshojnë nga votuesit që do votojnë, Albin Kurtin”, foli profesori Mehazi për “Bota sot”.
Ahmeti: PDK nuk qëndron mirë me sondazhe dhe përkrahje nga populli
Ndërsa, analisti politik, Hidajet Ahmeti në një prononcim për “Bota sot” tha se partitë politike janë të vetëdijshme për përkrahjen që kanë nga populli dhe se deklaratat e tilla dihet që nuk përkojnë me gjendjen në terren.
“Deklaratat politike më shumë kanë permbajtje subjektive, por brenda vetës kanë një mesazh domethënse tek votuesi. Partitë politike në vazhdimësi organizojnë matje të brendshme për ta parë gjendjen reale në terren, por shumicën e herave nuk i publikojnë. Faktikisht, të gjitha partitë politike janë në gjendje të dijnë përkrahjen në popull, ku deklaratat e tyre politike nuk korrespodojnë në gjendjen në terren”, thotë analisti.
Në fund, ai përmbyllë bisedën duke shtuar që gjasat janë minimale që kandidati i PDK-së të jetë kryeministëri i radhës.
“Kandidati PDK-ja ka të drejtë të lëshohet në aventura të tilla dhe në mënyrë të vetëdishme, por edhe strategjike është lëshuar me këtë deklaratë. Gjasat janë minimale, por mos të thënë fare hiq, pasi momnetalisht PDK-ja me kandidatin për kryeministër nuk qëndrojnë mirë në sondazhet profesionale”, përfundoi Ahmeti për “Bota sot”.
