Veterinerët në Maryland kanë kryer një operacion në një gjarpër, i cili gabimisht e kishte gëlltitur dorezën për ndërrimin e marsheve të veturës.
Qendra e Kafshëve të Egra në Gaithersburg tha se gjarpri po lëvizte me një objekt të panjohur në stomak.
“Kjo është e zakonshme te këta lloje gjarpërinjsh, pasi edhe topat e golfit shpesh ngatërrohen me vezët e freskëta të pulës”, tha qendra përmes një mesazhi në Instagram, duke theksuar se objekti në stomakun e gjarprit kishte shkaktuar lëndime në lëkurën e tij.
Doreza u largua në mënyrë kirurgjikale, ndërsa gjarpri është shëruar plotësisht, dhe pritet të lirohet në pranverë.
