Futbollisti i njohur shqiptar, Xherdan Shaqiri, ka marrë vendimin për t’u pensionuar nga kombëtarja e Zvicrës.
Lajmin e ka bërë të ditur me anë të një postimi të ndarë në rrjete sociale.
Ylli me origjinë nga Gjilani ka kaluar në të gjitha grupmoshat me Zvicrën, gjersa debutimin me ekipin e parë të ‘Helvetikëve’, 32-vjeçari e kishte bërë më datë 3 mars të vitit 2010.
Një reagim në lidhje me këtë e ka bërë edhe aktori Fatmir Spahiu, i cili e ka vlerësuar për kontributin që ka dhënë dhe për përfaqësimin e dinjitetshëm.
“Xherdani paska vendos me u përshëndet me kombëtaren zvicerane. Ne mund t’i themi faleminderit për përfaqësim të dinjitetshëm të vlerave tona në Zvicër”, ka shkruar ai.
I njëjti tutje tha: “Dhe një falënderim i madh për ato dy ndeshjet, pe dini ju…Shëndet Xherdan”.
Në 125 paraqitje sa i ka pasur gjithsej me Zvicrën, Shaqiri ka shënuar 32 gola ndërsa numëron edhe 34 asistime.
