Aktori Donald Sutherland, ylli i filmave, ka vdekur në moshën 88-vjeçare pas një sëmundjeje të gjatë.
“Me zemër të rëndë ju them se babai im, Donald Sutherland, ka ndërruar jetë. Unë personalisht mendoj se është një nga aktorët më të rëndësishëm në historinë e filmit. Asnjëherë nuk u tremb nga një rol, i mirë, i keq apo i shëmtuar. Ai e donte atë që bënte dhe bënte atë që donte, dhe askush nuk mund të kërkojë më shumë se kaq. Një jetë e jetuar mirë”, është shprehur djali i aktorit të Donald Sutherland.
Sutherland luajti në filma si The Dirty Duzen, MASH, Klute dhe Don’t Look Now.
Një nga rolet kryesore të aktorit kanadez ishte si Hawkeye Pierce, një kirurg në filmin MASH të vitit 1970.
