Fëmijët e Brad Pitt dhe Angelina Jolie kanë vendosur që të ndryshojnë mbiemrin e trashëguar nga i ati sapo të mbushin 18-vjeç.
E para që e mori këtë hap ishte vajza e ish-çiftit, Shiloh e cila ka paraqitur pranë gjykatës kërkesën për të ndërruar mbiemrin e saj në Jolie dhe mesa duket ky veprim si ka pëlqyer aspak aktorit.
Së fundmi disa burime të afërta me aktorin bënë të ditur për mediat e huaja se Brad Pitt është i frikësuar për shkak se mund të përballet me një poshtërim shumë të madh nga fëmijët e tij.
Burimi në fjalë thekson se gjithçka ka ardhur për shkak se Brad Pitt e ka të pamundur që të ballafaqohet me fëmijët dhe avokatët e tij për shkak të kontrollit që Angelina Jolie ka.
Mesa duket Pitt nuk ka një marrëdhënie të mirë me fëmijët e tij, të cilët duket qartë që duan më shumë nënën e tyre, Angelina Jolie.
Këtë e vërtetoi vetë djali i dyshes, Pax i cili një vit më parë në Ditën e Babait përmes një postimi në Instagram e quajti të atij, Brad Pitt një qenie njerëzore e tmerrshme.
“Ju e keni bërë jetën e njerëzve më të afërt me mua një ferr të vazhdueshëm. Mund t’i thuash vetes dhe botës çfarë të duash por e vërteta do të dalë në dritë një ditë. Pra, gëzuar Ditën e Babait, o qenie njerëzore e tmerrshme. Ju nuk keni konsideratë apo ndjeshmëri ndaj katër fëmijëve tuaj më të vegjël që dridhen nga frika kur janë në praninë tuaj. Nuk do ta kuptosh kurrë dëmin që i ke bërë familjes sime”- tha Pax.
