Drejtoria për të Ardhurat Publike njofton se nga java e ardhshme do të fillojë pagesa e kthimit të TVSH-së nëpërmjet Ministrisë së Financave.
Paralelisht, siç bëjnë të ditur, vijon formimi i Komisionit për avancimin e proceseve për TVSH-në, i cili do të punojë në ridizajnimin e procedurave të brendshme që të sigurohet efikasitet dhe mbrojtje nga keqpërdorimi.
Komisioni i ri tashmë ka kryer analizë të detajuar për kërkesat e aprovuara paraprakisht për kthim, duke identifikuar rastet që paraqesin rrezik të cilat kërkojnë inspektim shtesë.
Për vlerat tjera, të cilat nuk paraqesin rrezik, kthimi do të fillojë menjëherë.
