Studimet në fushën e psikologjisë zbulojnë disa karakteristika, qëndrime dhe sjellje të përbashkëta të vërejtura në çiftet që konsiderohen të lumtur.
Cilat janë, pra, elementët që i dallojnë çiftet e lumtura?
Ndajnë një dashuri intensive dhe të ndërsjellë
Secili partner e shpreh shpesh dhe në mënyra të ndryshme ndjenjën e dashurisë, verbalisht dhe jo verbalisht.
Kujdesen për partnerin e tyre me vëmendje
Secili partner njeh, respekton dhe kujdeset për plotësimin e nevojave të tjetrit, duke ruajtur gjithmonë një ekuilibër dhe barazi në marrëdhënien e tyre.
Njohin vlerën e njëri-tjetrit
Ata ndjejnë dhe shprehin vlerësim dhe njohje për tjetrin, ndjejnë krenari për arritjet dhe vlerat e tyre
Komunikim dhe besimin reciprok
Çifti ka besim në angazhimin e ndërsjellë të marrëdhënies së tyre dhe gëzon rehati në komunikim, siguri emocionale dhe besim reciprok.
Krijojnë kanale të hapura komunikimi ndërmjet tyre
Partnerët kërkojnë të komunikojnë në mënyrë sistematike, të qartë, të ndershme dhe efektive për gjithçka që i shqetëson, duke shmangur akuzat e ndërsjella dhe duke nxitur një dialog konstruktiv.
