Për disa njerëz, ideja për të udhëtuar me aeroplan në të gjithë botën, e sidomos për t’u paguar për këtë tingëllon si një punë e ëndrrave.
Por, të qenit stjuardesë vjen me një sërë kërkesash që duhet të plotësoni fillimisht, shkruan The Mirror.
Tani, një përdoruese në TikTok e cila po ashtu ka këtë profesion ka treguar për rregullat që ajo duhet të ndjekë.
Punonjësja me bazë në Shtutgart postoi një video një minutëshe në llogarinë e saj, prej secilës shtjelloi 10 rregullat që duhet të ndiqni për t’u bërë stjuardesë.
Në radhë të parë është mosha, pasi siç e shpjegon ajo duhet të jeni mbi 18 vjeç derisa ka linja ajrore që kërkojnë një moshë minimale 21 vjeç;
Duhet të dini not dhe të jeni konfident në ujë dhe kjo do të kontrollohet gjatë trajnimeve tuaja;
Nëse punoni si stjuardesë nuk duhet të keni tatuazhe apo edhe piercing, megjithatë disa linja ajrore do t’ju tolerojnë nëse i mbuloni tatuazhet;
Duhet të flisni anglisht rrjedhshëm e po ashtu të shkruani mirë, gjuhët e tjera janë avantazh për ju, por jo kërkesë;
Duhet të keni pasaportë valide;
Mund të menaxhoni situata të ndryshme dhe njerëz të ndryshëm derisa qëndroni profesionale;
Pajtoheni të punoni gjatë gjithë vitit, pa ditë fundjave, dhe jo ditë fikse të pushimit javor;
Keni një gjatësi minimale prej 1.60 metra dhe jeni fizikisht fit;
Keni mprehtësi vizuale prej -/+ 5 dioptri;
Duhet të jeni flesksibile dhe miqësore.
