Seksi për herë të parë nuk është gjithmonë gjëja më magjepsëse. Lidhja me një partner të ri, edhe me një partner që ju pëlqen, mund të jetë e vështirë, të ndihet e pakëndshme ose thjesht ndryshe. Por kjo nuk do të thotë domosdoshmërisht se s'mund të bëhet më mirë.
Nuk po flasim për seksin që është i keq për faktin se ata nuk respektuan kufijtë tuaj ose përndryshe ju bënë të ndiheni të pasigurt, natyrisht. (Nuk ka shanse të dyta në atë situatë.) Dhe ndoshta shkëndijat seksuale thjesht nuk janë aty - në këtë rast ju mund t'i besoni instinkteve dhe nuk keni nevojë që ne t'ju tregojmë se çfarë të bëni. Por është gjithashtu e mundur që ju duhet vetëm të përpunoni disa, le t'i quajmë, ngërçe.
Ja ç'duhet të bëni nëse hera e parë me partnerin tuaj të ri ju la për të dëshiruar:
Vendosja e pritshmërive shumë të larta është me rrezik, sepse shton edhe shanset për dështim
Pas herës së parë pyesni veten: "A po përqendrohesha tek momenti apo isha përqendruar aq shumë në përvojën që kisha krijuar në mendjen time?".
Nëse po e krahasoni këtë përvojë seksuale me atë që keni imagjinuar ose me partnerë të kaluar, ju po humbisni atë që është përpara jush.
Përqendrohuni në shqisat tuaja duke i kushtuar vëmendje asaj që po dëgjoni, nuhatni, shijoni dhe ndjeni. Kjo qasje e ndërgjegjshme ndaj seksit mund të rrisë kënaqësinë tuaj duke e bërë atë një përvojë të mrekullueshme shqisore ku jeni më në sinkron me partnerin.
Bëhuni më të qartë në lidhje me atë se çfarë dëshironi të dy në shtrat:
Seksi i keq në fakt, shpesh është thjesht pasojë e një komunikimi të keq. Ju duhet të komunikoni për seksin me partnerin tuaj, në mënyrë verbale ose joverbale.
Është gjithashtu e rëndësishme të mbani mend se komunikimi është një rrugë me dy drejtime; kur shprehni dëshirat tuaja, sigurohuni që të pyesni edhe për të tjetrit/ës.
Mos harroni se seksi supozohet të jetë argëtues!
Të bësh seks duhet të jetë qejf dhe jo një problem i shtuar. Ne priremi të shqetësohemi nëse po e kënaqim partnerin, fiksohemi me mënyrën si dukemi, etj. Sigurisht, mund të jetë e sikletshme nëse seksi ishte i keq herën e parë, por mbani mend se partneri juaj (ose ju) mund të ketë qenë nervoz, ose ndoshta i shqetësuar për atë që po mendonit apo ndjenit.
