Lajmi i hidhur për ndërrimin e jetës së arsimtarit, mësimdhënësit, veprimtarit të madh të çështjes së arsimit me një përkushtim gjatë tërë jetës së tij, Xhavit Jashari, është dhembje e thellë, jo vetëm për familjen e tij, por për të gjithë atdhetarë arsimdashës të përkushtuar si ai, të cilët frymëzuan masën e gjerë popullore, përmes arsimit dhe edukimit, për kauzën e madhe kombëtare…
Xhavit Jashari u lind 18.03.1950 në fshatin Vërban të Komunës së Vitisë, ai shkollën tetëvjeçare e kreu në Gushicë, ndërsa shkollën e Normalës e filloi në kryeqytetin e Kosovës në Prishtinë dhe e përfundoi në qytetin e Ferizajt.
Arsimtari Xhavit punojë në shkollën fillore në Gushicë, pastaj në Gërmovë e më vonë edhe në fshatin e tij të lindjes në Vërban, ku, u pensionuar në vitin 2015, ai punojë në arsim 45 vite pa ndërprerje.
Xhaviti ishte i lindur nga një familje me taban atdhetar, i edukuar me ide përparimtare liridashëse, stërgjyshi i Xhavitit, Ahmet Jashari në kohën e Mbretërisē jugosllave nga xhandarët e kësaj Mbretërie dhe nga bashkëpuntorë shqipfolës, xhandarët, në pamundësi për ta gjetë vrasësin e një xhandari në Partesh, xhandarët e Mbretërisë e arrestun, stërgjyshin e Xhavitit , Ahmet Jasharin që ishte në arë duke punuar në prashitjen e misrit për bukën e gojës, atë e pushkatuan pa gjyq.
Xhaviti ishte tolerant, dhe, mbi të gjitha misionar i ndërgjegjësimit dhe zgjimit përmes përkushtimit në arsim dhe edukim të nxënësëve.
Mungesa e arsimtarit, Xhavit Jasharit, gjithmonë do të jetë zbraztësi e veprimit shumëdimensional në rrafshin e edukimit dhe arsimimit të nxënësëve.
Xhaviti ndërroi jetë më: 21/06/2024, qoftë i paharruar kujtimi për arsimtarin Xhavit Jasharin, pushoftë i qetë në dritën e pashterrshme në amshim, Perëndia e shpërbleft me Parajsë...
Ngushëllime për familjen e tij dhe për të gjithë ata që e deshtën dhe e duan arsimin shqip, qoftë i paharruar kujtimi për këtë atdhetar të madh të arsimit shqip Xhavit Jasharit!
