Përpos shtëpive private, banesave, bizneseve e institucioneve të ndryshme të cilat janë cak i vazhdueshëm i hajnave, ata syrin e kanë edhe te veturat e qytetarëve. Edhe në raste kur nuk i marrin veturat në tërësi, i thyejnë ato me shpresë që do gjejnë dhe do marrin ndonjë gjë me vlerë.
Një rast i tillë është denoncuar së fundmi nga një qytetar në Podujevë.
Burimet e medias brenda Prokurorisë kanë bërë me dije se pronari e ka denoncuar rastin në Polici, ku ka deklaruar se hajnat ia kanë thyer veturën dhe ia kanë vjedhur një trotinet elektrik.
Si rezultat i denoncimit, Policia ka nisur hetimet dhe janë marrë veprimet hetimore që ndihmojnë në identifikimin dhe kapjen e të dyshuarve.
Me urdhër të prokurorit, rasti është iniciuar ‘Vjedhje e rëndë’, ndërsa veprimet tjera ligjore do merren posa të arrestohen personat e dyshuar.
