Raportohet se një shpërndarës i kokainës ka pësuar vetaksident duke tentuar të ikë nga policia në Prizren.
I dyshuari ka marr lëndime të lehta trupore, ndërsa të lënduar kanë mbetur edhe zyrtarë policorë.
Shpërndarësi i kokainës më pas është arrestuar dhe të njëjtit i janë sekuestruar substancë e dyshuar narkotike e llojit kokainë me peshë rreth 2.24 gram.
Ndërsa, pas intervistimit i dyshuari është dërguar në mbajtje.
“Është raportuar se i dyshuari mashkull kosovar është duke bërë shpërndarjen e substancave narkotike të llojit Kokainë. Policia e Kosovës, konkretisht Njësia për hetimin e narkotikëve kanë arritur të identifikojnë të dyshuarin mashkull kosovar me veturën e tij, por i njëjti në sinjalizimin për ndalje nuk është ndalur dhe gjatë ikjes duke mos iu përshtatur kushteve të rrugës ka shkaktuar vet aksident dhe i njëjti ka pësuar lëndime të lehta trupore, ndërsa dhe zyrtarë policor gjatë ndjekjes së të dyshuarit në teren të papërshtatshëm kanë pësuar lëndime trupore dhe të njëjtit janë dërguar për tretman mjekësor. I dyshuari pas përpjekjeve policore është arrestuar dhe gjatë kontrollit i është gjetur dhe sekuestruar substancë e dyshuar narkotike e llojit kokainë me peshë rreth 2.24 gram. Në konsultim me prokurorin janë kontrolluar tri lokacione ku në dy lokacione janë gjetur dhe sekuestruar një armë revolver pa fishekë, një qese plastike me substancë të dyshuar narkotike të llojit heroinë me peshë rreth 67.07 gram. Pas intervistimit me vendim të prokurorit i dyshuari është dërguar në mbajtje”, njofton PK.
