Komuna e Klinës ka vazhduar me projektin për krijimin e hapësirave publike edhe në fshatin Caravik, në të cilin pritet investim afro 40 mijë euro, vendi në të cilin do të kryhen ndërtimet e këtij parku deri para pak vitesh shfrytëzohej si fushë e futbollit të vogël nga të rinjtë e fshatit por më pas është shndërruar në deponi ilegale e mbeturinave.
Kërkesa të shumta nga qytetarët e bënë që komuna e Klinës, të marrë vendim në krijimin e hapësirave të gjelbra që do të shfrytëzohet nga banorët e fshatit për rekreacion.
Sipas kryetarit të kësaj komune Zenun Elezaj, përmes një postimi në Facebook ka njoftuar nisjen e ndërtimit të këtij parku, ai ka thënë se kjo gjë po arrihet në bashkëpunim me Drejtorinë e Shërbimeve Publike dhe Emergjente, duke shtuar ky projekt është më i shtrenjtë deri më tash për komunën e Klinës.
“Kërkesat për pastrim, largim të mbeturinave e ndërtim të parkut ishin të vazhdueshme nga banorët e zëshëm të fshatit. Në koordinim më Drejtorinë e Shërbimeve Publike dhe Emergjente, në kuadër të planifikimeve buxhetore për ndërtimin e parqeve në fshatra, e kemi bërë projektin që buxhetit të komunës do t`i kushtojë afër 40 mijë euro që e bënë parkun më të kushtueshëm të ndërtuar në fshatra nga Komuna e Klinës”, ka shkruar Elezaj.
Gjithashtu Elezaj ka paraparë që ky park do ti ngjajë atyre evropiane.
Fillimi i punimeve nga komuna e Klinës/ Foto nga Komuna e Klinës, Facebook
“Punëtorët sot filluan punën për largimin e mbeturinave, ndërsa pas vetëm disa javëve ky vend do t`i ngjajë parqeve të vogla europiane”, është shprehur ai.
Vendi ku parashihet këndi i lojërave për fëmijë dhe ndrçimi publik/ Foto nga Komuna e Klinës, Facebook
Poashtu në kuadër të projektit parashihet përveç pastrimit të deponisë ilegale të mbeturinave dhe ndërtimit të parkut të ketë edhe ndriçim publik.
