Vushtrria e Shqiponja do të takohen në finale të Ligës së Pioniereve të Kosovës në hendboll.
Të martën në Vushtrri janë luajtur ndeshjet gjysmëfinale.
Fillimisht skuadra vushtrriase e mposhti Istogun me rezultat 32:17.
Tringa Mehmeti i shënoi 10 gola, kurse Lumturije Beqiri i kishte shtatë. Elsa Shala i shënoi 7 gola për Istogun.
Katër i realizoi Rita Hasanaj.
Në gjysmëfinalen e dytë, Shqiponja e Gjakovës e mposhti Besën e Pejës me rezultat 20:14.
Të mërkurën, ndeshja për vend të tretë zhvillohet nga ora 18:00, ndërsa finalja nga ora 19:30.
