Serhou Guirassy, sulmuesi surprizë i Stuttgartit këtë sezon, ishte dje i ftuar në një program të transmetuar në Canal + në Francë.
Futbollisti, i cili përfundoi i dyti në renditjen e Këpucës së Artë, foli edhe për të ardhmen e tij: “Do të shohim se çfarë do të ndodhë me Stuttgartin”, tha 28-vjeçari.
“Kam folur me drejtuesit gjatë sezonit, por gjithmonë jam fokusuar në fushë. Menaxherët e mi e dinë se çfarë po bëjnë. Unë ua lë atyre dhe vazhdoj të fokusohem në punën time”.
Guineani më pas sqaroi:
“Unë do të jem ai që do të marr vendimin përfundimtar. Sigurisht, është gjithmonë e vështirë të largohesh nga një klub kur gjithçka shkon mirë. Por gjithmonë ka shkallë të reja për të ngjitur. Do të shohim se çfarë do të ndodhë”.
Të qëndrojë te Stuttgart apo të provojë fatin në një klub të madh europian?
Gjithçka është ende në dyshim, por e sigurt është se klauzola prej 20 milionë eurosh i tërheq të gjithë, veçanërisht Milanin dhe Borussia Dortmundin.
“Anglia është e mirë, si Spanja dhe Italia. Gjermania është gjithashtu e mirë. Unë nuk kam preferenca të veçanta, e rëndësishme është që të ndihem i qetë dhe pjesë e projektit”..
