Stomatologu nga Gjilani, Rasim Sefiu i cili vdiq papritmas në moshë të re, do të varroset sot në varrezat e fshatit Remnik.
Familjarët kanë bërë të ditur se varrimi i të ndjerit do të bëhet në ora 16:00 në varrezat e fshatit.
Sefiu ka vdekur në moshën 34 vjeçare, pikërisht në tre vjetorin e vdekjes së babait të tij, i cili po ashtu kishte qenë mjek i njohur në Gjilan.
Për vdekjen e tij kanë shprehur ngushëllime kryetari i Gjilanit, Alban Hyseni dhe ish kryetari i kësaj komune, Lutfi Haziri.
Burimet e medias bëjnë të ditur se Sefiu humbi ndjenjat në fushë gjersa po luante futboll me kolegë të tij, dhe nuk arriti të mbijetoj sulmin e pësuar.
Rasim Sefiu ishte specializant në lëminë e parodontologjisë dhe mjekësisë orale.
