Legjenda gjermane, Lothar Matthaus beson se Vinicius Junior nuk e meriton të fitojë Topin e Artë, pavarësisht sezonit të tij të jashtëzakonshëm me Real Madridin.
Matthaus deklaroi se ndërsa Vinicius Jr ka pasur një vit të mrekullueshëm, ai e sheh atë vetëm si lojtarin e tretë më të mirë në botë.
“Të fitojë Vinicius Topin e Artë nuk do të më befasonte. Golashënuesit janë gjithmonë në qendër të vëmendjes, dhe me fitoret në Ligën e Kampionëve dhe La Liga, ai ka fituar vlefshmërinë”, ka thënë fillimisht Matthaus.
Megjithatë, gjermani e renditi Vinicius Jr pas të tjerëve në vlerësimin e tij, duke shprehur një preferencë të fortë për Rodrin.
“Për mua, Rodri e meriton Topin e Artë më shumë se Vinicius Jr. Ai ishte truri dhe kapiteni i kombëtares spanjolle që fitoi Euro 2024 dhe gjithashtu fitoi titullin e Ligës Premier me Manchester Cityn. Ai ka qenë lojtari i spikatur këtë vit”.
“Bellingham , ashtu si Vinicius, fitoi Ligën e Kampionëve dhe La Ligën. Ai ishte vendimtar për Anglinë, duke i ndihmuar ata të arrinin në finalen e Evropianit. Renditja ime është Rodri i pari, Bellingham i dyti dhe Vinicius i treti”, përfundoi gjermani.
