Transferimi i David Bangoole nga Wakiso Giants, një skuadër që luan në Premier League te Ugandës (kampionati elitar), shkaktoi shumë diskutime dhe u bë menjëherë virale në internet. Jo për kontratën e nënshkruar mes lojtarit dhe klubit dhe as për cilësitë teknike të padiskutueshme të mesfushorit: është për pamjen e tij fizike që do të thotë se nuk duket mosha e deklaruar, 26 vjeç ne letra!
David Bangoole përmbylli ditët e fundit transferimin nga Gaddafi FC, një skuadër që luan në kategorinë e dytë të Ugandës, në një nga klubet kryesore të kategorisë së parë, Wakiso që po lufton për kreun e tabelës.
I konsideruar si një nga talentet më të mirë në Ugandë, mesfushori për fat të keq ka përfunduar në qendër të një diskutimi për moshën e tij reale, për shkak të pamjes së tij.
Fotot e publikuara nga llogaritë zyrtare të klubit në fakt tregojnë se si Bangoole në fakt mund të jetë më i vjetër se 26 vitet e deklaruara mbi të gjitha për shkak të rënies së madhe të flokëve. Ketu nis dyshimi se ai është shumë më i vjetër se sa thonë dokumentet.
Megjithatë, realiteti aktual është shumë i ndryshëm nga thashethemet dhe dyshimet në internet. Dokumentet zyrtare që mund të gjenden në David Bangoole, përmes faqeve të specializuara si databaza ndërkombëtare e Transfermarkt, thonë se lojtari ka lindur më 4 prill 1998 dhe për këtë arsye me të vërtetë sapo ka mbushur 26 vjeç.
Prandaj, për momentin kështu është edhe nëse fotot e tij janë bërë menjëherë virale, duke shkaktuar hutim të përgjithshëm dhe me shumë gjasa përgjegjësit do ta shqyrtojnë më tej këtë çështje.
