Më 28 maj 2023, Sergio Rico ishte viktimë i një aksidenti të rëndë që e mbajti në koma për gati një muaj.
Portieri spanjoll kishte pësuar një goditje të rëndë në kokë pas një rrëzimi nga kali, por fatmirësisht doli i padëmtuar nga tronditja.
Pas tre muajsh, në fakt, ai doli nga spitali i Seviljes dhe më shumë se një vit më vonë dha një intervistë të gjatë për atë moment të tmerrshëm.
“Nuk mbaj mend asgjë nga aksidenti dhe as nuk doja të mbaja. Besoj se ishte një mrekulli e dyfishtë, – deklaroi ai për MARCA. – Së pari, sepse jam gjallë dhe së dyti, më e rëndësishmja, pa pasoja”.
Ish-lojtari i PSG-së tregoi gjithashtu për një ëndërr të shpeshtë të parë kur ishte në koma:
“Nuk mbaj mend asgjë tjetër përveç asaj ëndrre, po telefonoja babain tim (i ndarë nga jeta) dhe ai nuk u përgjigj. Gjëja e parë që mendova kur u zgjova? Nëse do të mund të kthehesha të luaja futboll, padyshim. Doja të ndihesh sërish si portier, të vesh doreza çdo ditë”.
Sergio Rico tani është një lojtar i lirë, por ende po stërvitet në qendrën sportive të klubit parisien: “Jam 100% dhe pres me padurim të ndihem sërish futbollist”.
